Поделиться
Сынтәа Москватәи аҧсуа диаспора 58-тәи есышықәсатәи аиҧылара иеизнагеит Москва инхо 450-ҩык аҧсуаа.
Москватәи Аҧсуа диаспора ахада Беслан Агрба иазгәеиҭеит: "Москватәи ҳџьынџьуаа есышықәсатәи реиҧыларақәа традицианы ишьақәгылеит москватәи аҧсуаа рзы 58 шықәса рышьҭахь, гәахәарылагьы иазгәаҳҭоит есааира урҭ реимадара аҕәҕәахара ишаҿу. Арҭ аиҧыларақәа Аҧсны анҭыҵ инхо аҧсуаа ракра, урҭ рҭоурыхтә ҧсадгьыл аҟны имҩаҧысуа апроцессқәеи дареи реимадара иацхраауеит. Аҧсуа диаспора иахьа адунеи аҟны культуратә феноменк аҳасабала иахьыҟоу адагьы, уи Аҧсны асоциалтә-економикатәи аполитикатәи еиҭакрақәа рымҩаҧысшьеи рыҿиареи анырра азҭо акрызҵазкуа ресурны иҟоуп».
Аиҧылараҟны иқәгылеит Урыстәылатәи Афедерациаҟны иҟоу Аҷыдалкаатәи амчнаӡа змоуи Ацҳаражәҳәаҩ И. М. Ахба, Адунеизегьтәи аҧсуа-абаза жәлар рконгресс Ахада Т.М. Шамба, Урыстәылатәи Кавказ ажәларқәа рконгресс апрезидиум Ахантәаҩы Тоторкулов А.Х., Адунеизегьтәи аҧсуа-абаза жәлар рконгресс Ахада иабжьагаҩ Беслан Кобахиа.
Асас дахьқәаны аиҧылараҟны иҟан аоператә шәаҳәаҩы Хьыбла Герзмава, иеиуеиҧшым аҳәынҭқаррақәа рыцҳаражәҳәаҩцәа, Урыстәылатәи Афедерациа Аҳәынҭқарратә Думеи урыстәылатәи ателехәаҧшреи рхаҭарнакцәа.
Аусмҩаҧгатә иалахәыз агәахәара ду рызҭаз акы акәны имҩаҧысит Лаша Марыхәба напхгара зиҭо Москватәи ахәыҷтәы кәашаратә ансамбль «Амцамбз» ақәгылара.Уи аколлектив зегьы иҭабуп ҳәа рарҳәеит аҧсуа культура аларҵәараҟны иҟанаҵо алагаламҭазы.
Аиҧылара амҩаҧгаҩцәа Елана Ешҧҳаи Стас Ҵәыџьбеи асасцәа ргәы ҟарҵеит уи апрограммаҟны иҟаз асиурпризқәа, ахәмаррақәа, амузыка, аҧсуа традициақәа рыла. Ашәақәа нарыгӡеит Алеқсандр Шоууеи Милена Барцыци.
Ара иара убас ирхәмарын абаҩхатәра змоу ҳџьынџьуаа ицәырыргаз аҧхьахә џьашьахәқәа зцыз алотереиа.
Ахәылҧаз хыркәшан адискотека ала - DJ Еснаҭ Кобахиа, есышықәса италиатәии франциатәии Альпқәа рыҟны имҩаҧысуа сноуборд афестивальқәа Avo Snow Fest Snowpasta арезидент - DJ FinnTarro.
Москватәи Аҧсуа Диаспора
апресс- маҵзура
коммент.