Поделиться
Мшаҧымза 17 рзы Н. Иа. Миасковски ихьӡ зху Аконцерттә зал аҟны имҩаҧысуеит Урыстәыла зҽаҧсазтәыз артист, Аҧсны жәлар рартист, «Геликон-опера» атеатр асолист (асопрано) Алиса Гыцҧҳа дызлахәу «Аромантикатә ашәа аҟазара Liedkunst» абонемент аҳәаа иҭагӡаны анемец композитор Р. Шуман ивокалтә музыкатә концерт.
Ахәылҧаз апрограммаҟны иҟан Ф. Шуберт иаҧиҵаз (Lied) ашәақәа ржанр атрадициақәа ирықәныҟәо, иналукааша анемец композитор-аромантик Роберт Шуман ивокалтә лирика.
Урыстәыла зҽаҧсазтәыз артист, Аҧсны жәлар рартист, «Геликон-опера» атеатр асолист (асопрано) Алиса Гыцҧҳа иналыгӡоит авокалтә цикл «Аҧҳәыс лыбзиабареи лыҧсҭазаареи» ажә. Шамиссо, авокалтә еизга «Мирта» аҟнытә иалкаау ашәақәа.
Жәларбжьаратәи аконкурсқәа рлауреат, «Геликон-опера» атеатр асолист Дмитри Хромов (атенор) инаигӡоит Г. Геине иажәақәа рыла авокалтә цикл «Апоет ибзиабара».
Ашәаҳәаҩцәа иеицынарыгӡоит асопранои атенори рзы ҧшь-дуетк.
Афортепиано апартиа алырҳәоит П. И. Чаиковски ихьӡ зху Москватәи аконсерваториа апрофессор, абонемент аидеиа автор Светлана Бондаренко.
коммент.