Ҳаҭыр зқәу ҳауаажәлар! 

Иахьа ииасуа ашықәс аихшьаалақәа ҟаҵаны, ҳазҭало ашықәс азы иҟаҵатәу аусқәа азҧхьагәаҳҭоит. 

Зегь ҳзыҳәан 2023-тәи ашықәсаз хадара злоу хҭысын 1992-1993 шықәсқәа рзтәи Аҧсны Аџьынџьтәылатә еибашьраҿы ҳтәыла ҧшӡа иагаз Аиааиреи Ахьыҧшымреи 30 шықәса рхыҵра азгәаҭара. Усҟан, 30 шықәса раҧхьа иалхыз амҩа – ихьыҧшым аҧсуа ҳәынҭқарра ашьақәыргылара иахьагьы иаҳзеиҧшу хықәкыхадоуп.

Сынтәа ҳара имҩаҧаҳгеит зеиӷьыҟам афестиваль. Уи алыршахеит ҳџьынџьуааи, Аҧсны аҳәынҭқарратә, ауаажәларратә, абизнестә еиҿкаарақәеи ҳусеицура иабзоураны.

Москватәи аҧсуа диаспораҿы 2024-тәи ашықәс аҧсуа бызшәа иашықәсны имҩаҧаҳгоит. Еиҿкаахоит аиҧыларақәа, ахәмаррақәа, аҧсышәала алекциақәа. Агәраганы сыҟоуп арҭ аусмҩаҧгатәқәа ауаа азҿлымҳара шрызцәырнаго! Ҳаидгыланы иҳалшаз рацәоуп. Убри инамаданы, ҳдиаспора аусура активла зхы алазырхәуа, еснагь иҳадгыло иҳацхраауа зегьы гәыкала иҭабуп ҳәа шәасҳәоит.

Ашықәс Ҿыц аламҭалазы, Москватәи аҧсуа диаспора анапхгара агәыҧ ахьӡалеи, хаҭала сара сыҟнытәи гәыкала ишәзеиӷьасшьоит агәабзиара, иҧкым агәамч, агәалаҟазаара бзиа, зегь реиҳа игәаӷьыуацәоу шәыгәҭакқәа ралыршаразы иҳәаадоу алшарақәа.

Аҭынчреи аҳәоуеиқәшәареи агымзааит Аҧсны!

Ҿаанбзиала!