Акыр иаҳзаԥсоу Беслан Родион-иԥа!

Москватәи Аԥсуа Диаспора зегьы ахьӡала ишәыдаҳныҳәалоит 65 шықәса шәхыҵра аиубилеи!

Шәара шәыԥсҭазааратә мҩа гәык-ԥсык ала шәыжәлар рымаҵ ауразы иҿырԥшыга бзианы иҟоуп.

Ҳдиаспора Ахада иаҳасабала Шәара шәусура зегьы есқьынгьы ганрцәала ишьақәгылан, амҽхакгьы дуун. Шәара иҟашәҵо адгылара иабзоураны имҩаԥысуеит Москва инхо ҳџьынџьуаа реиԥылара, аԥсуа культуратә ҵасқәа рыла аҽеидкылара, ҳажәлар иреиӷьу рытрадициақәа, рдоуҳа аиқәырхара.

 Аԥсуа культура аларҵәареи аԥсны-урыстәылатәи аимадарақәеи рус аҟны Шәара шәлагаламҭа ду ахә ашьара уадаҩуп, аҳаҭыр ду иаԥсоуп!

 Шәара шәыԥсадгьыл шәазыҟазаашьа, амеценат иаҳасабала имҩаԥыжәго аусура, Аԥсны азы хәарҭара ду злоу апроектқәа ирышәҭо адгылара аџьшьара ду иаԥсоуп!

Абарҭ зегьы рзы ҳаҭыр дула ҳашәзыҟоуп, иагьшәзеиӷьаҳшьоит ақәранҵыра ду!

Анцәа агәабзиара, агәамч ду шәиҭааит!

Ишәыгымзааит ахирра, аҭынчра, анасыԥ!